صرح الممثل المصري أحمد زاهر متحدثاً عن مشاركته في مسلسل "نعمة الأفوكاتو"، التي شجعته على خسارة 22 كيلو من وزنه، ليناسب دوره بالمسلسل .
وقال أحمد زاهر: "الدور شدني وحسيت إن الشخصية فيها حاجة، واحد مريض نفسياً ومكسور وعنده مشاكل كثيرة، والشخصية شدتني لدرجة إني خسيت 22 كيلو، بعد ما كان عندي عضلات وبلعب جيم لدوري في فيلم فارس".
وتحدث أحمد زاهر عن معاناته مع زيادة الوزن خلال فترة مرضه قائلاً: "أنا لما أصابني المرض قعدت 3 سنين تعبان جدا ويائس وأحلم بالموت، وطبعا في ناس وقفت جنبي أولهم مراتي، وبدأت أعافر وأعمل مجهود علشان أنزل وزني من 185 كيلو".
وتابع : "لما خسيت دخلت في مرحلة إني خاسس جدا ولازم أرد شوية وعملت ده، وبعدها كنت عايز أبني جسم مناسب لدور أكشن في فيلم فارس، وقعدت سنتين في الجيم ألعب حديد، وربنا كان بيساعدني".
وكانت تلك التصريحات خلال استضافته في برنامج "كلام نواعم" المذاع عبر قناة MBC .
